Boukan News, 08/23/2024 – Sonje youn nan devwa Leta se pèmèt pèp Ayisyen gen manje nan asyèt li. Jodi a se anpil gimnastik, anpil « je retiens »pou yon fanmi fè anvan l reyisi monte chodyè. Chita devan yon plat manje pou w manje ak kè poze se youn nan « pi gwo luxe » pou pi fò moun nan peyi dAyiti. Tèlman sitiyasyon an malouk. Plis Gouvènman ap « jesticuler », pale pou pale, se plis kwamadoulè a ap vin pi lou pou popilasyon an.

Depuis la prise de fonction du gouvernement Conille, aucune ligne n’a bougé. Il n’est pas exagéré de dire qu’avec Conille plus ça change, plus c’est la même chose.  D’ailleurs certains « gwo potenta » des trois versions  Tèt kale (Martelly, Jovenel, Ariel) sont toujours aux commandes et font grimacer la population. D’autres tirent les ficelles derrière les rideaux.

Nou ka konprann pouki rezon machin ensekirite yo (ensekirite fizik/bandi ak ensekirite alimantè/grangou) pi rèd toujou nan kòtòf lestomak nou. Yo kontinye ap griyen dan sou nou.

Kouman w konprann sa se marathon pou anpil fanmi fè pou yo rive mete chodyè nan dife.

Kouman w konprann moun toujou gen anpil difikilte pou jwenn ti kòb fanmi w voye pou ou.

Kouman w konprann moun toujou pa fouti mache libelibè. Ou vin gen plis tèritwa pèdi.

Apre ensekirite fizik la, kote bandi ak sapat yo pa bay moun yo dwa pou mache libelibè, ou gen ensekirite alimantè a k ap toupizi yo. Titrip fin vale gwo trip. Bandi ak kravat yo tèlman depatya Leta, tèlman dechèpiye Leta, rezilta sa fè plis pase 4 milyon Ayisyen nan ensekirite alimantè, pandan y ap alimante bandi ak sapat yo nan founi yo zam ak bal pou kontinye fonse sou popilasyon an kote chen ap manje kadav yo nan anpil katye popilè.

Bilan « État d’urgence sécuritaire » sou 14 komin depatman Lwès ak Latibonit gouvènman Garry Conille la, apre yon(1) mwa se plis tèritwa pèdi, se Élèv Gresye, Gantye, Fonparizyen, ki pat kapab al nan egzamen ofisyèl, se kontenjan Polisye Kenya ki kouri anba bal bandi nan Gantye, se Polisye ki kontinye mouri paske y ap defann Katye yo(Solino).

Se kounye a Tèt kale ak alye yo ap fè aranjman anba tab pou kontinye toupizi nou piplis toujou.

Nou tout wè kouman machin pwopagann lan okipe tout espas yo pou lave sèvo, pou toufe nou ak fo enfòmasyon, pou detounen lespri nou. Konsa yo kapab kontinye ap maltrete nou nan divès fason y ap fè l la.

Nan jan gouvènman Conille la ap marinen Kò l la, ap mennen bak peyi a, n ap mande tèt nou èske se pa nan pèlen tèt nou pran kote piti piti/sibtilman dispozitif yo ap mete an plas pou Tèt kale tounen sou nou “de façon démocratique au travers des élections en 2026 ou 2027” lè Conille va deside fè bouyi vide l la.

Pèp Ayisyen, nou toujou tande Grandèt yo di: “ Malè avèti pa touye kokobe.”

Koze pa nou, si nou kite Conille ak ekip li kontinye pran peyi a pou savann tout bon.

Sonje “si m te konnen”,  se dèyè tèt ou li plase.