Renouvo Demokratik: KISA KOUKOU TE FÈ POU FRIZE
Peyi plàt atè ,
pandan zanmi nan dan ap resite pakè.
Yo pa wè pi lwen ke pwent nen yo,
Fil la plotonnen nan men yo.
Anverite, se lawont ak pwoblèm memwa
ki fè zanmi nan dan ap trennen pye l konsa.
KISA KOUKOU TE FÈ POU FRIZE
Gwo trip ap vale ti trip tèlman nou grangou
Pa gen travay, pa gen lopital
Pa gen lekòl, la mizè sèl mèt lasal
Sa fè pase 200 lane antou
KISA KOUKOU TE FÈ POU FRIZE
Nou menm ak zanmi nan dan kanpe sou 2 bit diferan:
Nou di chanjman, zanmi nan dan reponn wayan
Nou di desantralizasyon, zanmi nan dan reponn twòp lajan
Nou di plis demokrasi, zanmi nan dan reponn okipasyon
oswa prezidan tou puisan
Nou di pwodiksyon nasyonal, zanmi nan dan reponn nan
kontrebann mwen maton
Nou di plis sekirite., zanmi nan dan reponn lame kraze zo
Nou di pàn nan se nan sistèm nan li ye, zanmi nan dan ap chache
pran daso
Anverite twa fwa, pwoblèm nan pa nan sa Ayisyen ap mande,
Men se nan bouyon rechofe yap ofri l li ye.
KISA KOUKOU TE FÈ POU FRIZE
Zanmi nan dan monte desann sou pouvwa
An lagan, li fè milyon ven
Poutan, lavi n ak sekirite n toujou pa vo anyen,
nan je voryen .
Ak yon sèl vwa, nap di: OTAN MADIGRA
KISA KOUKOU TE FÈ POU FRIZE
Nou mouri pa bann, pa pil , pa pakèt
Pou solèy jistis ak byennèt
Ka leve sou Ayiti
Kap finn depafini
Nad marinad
Si se pou zanmi nan dan, nou fenk kare nan tentennad.
KISA KOUKOU TE FÈ POU FRIZE
Goudougou pase 12 janvye
Nou pèdi moun , nou pèdi kay
Zanmi nan dan di lap ride n rebati lakay
5 an , 10 zan pase
Zanmi nan dan pa janm ateri
Li fè yon gwo erè si li panse Ayiti ap peri
KISA KOUKOU TE FÈ POU FRIZE
Zanmi nan dan se betizè oswa anganman
paske zafè kabrit, pa zafè mouton
Frizelia, se non vanyan nou tout ki wose kawako n
oswa touse kanson n
Pou nou METE AYITI Anpenpan.
Nou kapab mize nan wout,
Men nap rete doubout.
Renouvo Demokratik
MWEN SALYE TOUT KONPATRIYOT AYISYEN KINSEKAN YO JISKA TÈ.
Sam panse nan sat kap pase nan peyi saa la.sa pi grav pase aksan grav.majorite ayisyen nou pa gen konsyans.ni moun ki aple kap dirije ti bout tè saa .MW3N PANSE RENOUVO DEMOKRATIK.gen anpil bagay pou nou ta fè pou peyi saa. Se konsyantize tout moun kap viv nan tout rakwen nan peyi a.pou o mwen ti res jenerasyon kap vino an ya wè gen yon group sytwayen ki tap reflechi pou yo.nou pa gen leta.nou RENOUVO DEMOKRATIK .SI NOU VLE SA KA CHANJE TOUT BON VRE.POU SA FET FOK TOUT MOUN DAKO ANSANM POU SA CHANJEPOU SI LA YO KAP VINN DÈYÈ.NOU KA FE SA TOUT BON VRE .SE ALE NAN TOUT PWOVENS YO .POU NOU FÈ DESANTRALIZASYON NOU TOUT PWOVENS YO.KONSA NA VA GEN YON LOT AYITI TOU 9 SE PA RETE DENOSE SELMAN ANN FE AKSYON PITO.KONSA NAVA CHANJE AYITI..PASKE PWOBLEM PEYI SE NAN. NOU LI YE. SE NOU KI POU POTE VRE CHAJMAN AN .MAP DI BON KONBA A TOUT DIRIJAN RENOUVO DEMOKRATIK YO.
SE TE PDG NAREUS FM.PLIS ULRICK IDEAL NIGHT CLUB ..DEPI GRAN GWAV. ZONN MON KAMEL..